Elbasy basshylyq etken «Nur Otan» partıasynyń XVIII sezinde kún tártibindegi eń ózekti másele – halyqtyń áleýmettik jaǵdaıy talqylandy.

Áleýmettik az qamtylǵan  toptardyń, kópbalaly analardyń, jas otbasylardyń jaǵdaıyn jaqsartý boıynsha naqty sheshimder aıtyldy. Áleýmettik salaǵa aýqymdy somada qarajat bólinip otyr. Bul birinshiden, Elbasynyń qyraǵylyǵy, halyqqa degen janashyrlyǵy deýge bolady.

Kópbalaly otbasylarǵa, olardyń ár balasyna 21 myń teńge bólý, qanshama otbasyǵa tyǵyryqtan shyǵar jol. Sol sekildi, memlekettik, búdjettik qyzmetkerlerdiń jalaqysyn kóterý, taǵy da birshama halyqtyń máselesin sheshedi. Munyń barlyǵyn Elbasy bilip otyr. Biz sol kisiden úlgi alsaq. Bar kúsh-qaıratymyzdy jıyp, osy iske baǵyttasaq búginimiz de, bolashaǵymyz da baıandy bolmaq.

Jastardy qoldaý, olarǵa baspanany qoljetimdi etý de asa ózekti. Bul jóninde Ýınston Cherchıll «jastarǵa salynǵan ınvestısıa, kórsetilgen kómek, bul náresteniń aýyzyna ana sútin tosqanmen teń» degen. Bolashaq jastardyki, olar soǵan daıyn bolýy kerek. Biz olardyń erteńine alańdamaıtyndaı bolýymyz kerek, ol úshin búgin qamdanýymyz jón bolady.

Ustaz bedelin kóterý – qoǵamdy, bolashaq urpaqty tárbıeleý. Qundylyq degen – osy. Biz birshama qundylyqtardan da alshaqtap baramyz. Ony saqtap qalýdyń úlken bir joly ultqa degen janashyrlyqtan týady.

Osy tusta Úkimet aýysýynyń ózinde de úlken mán jatyr. Jańa mınıstrlik osy máselelerdiń jolyn taýyp, Elbasy qoıǵan órkenıetti maqsatqa jetkizedi dep senemin. Óıtkeni mınıstrlikten bastap, jer-jerdegi, tipti aýdandyq, aýyldyq ákimderge naqty tapsyrma berildi. Memleket basshysy búkil partıa múshelerin osy iske jumldyryp, Úkimetti osyǵan baǵyttap otyr.

Dosqan Joljaqsynov